Lalpa i van i kut chhuak
Phuahtu: C. Durthanga
AH 475
Doh is A
1. Lalpa, i van i kut chhuak,
Thilsiam tinreng zawng zawng leh,
Ni leh thla leh arsi leh boruak nen;
I van daifim, sik leh sa,
Leilung thlai hnah nem zawng tan,
Nunna malsawmna a ni si.
Han hawi vel ila, tlang tin,
Mual tin pawh va chuan ila;
Lalpa, i siam loh engmah,
An awm lo, he lei chinah.
2. Mahse, Lalpa kan Pathian,
Hringmi awih lo fate chuan,
“Siamtu chu a awm nem maw” an ti ṭhin;
Mahse, ni leh thla, arsi,
Lamtluang zawh an buai nem maw,
I awm lo tih rual em ni le?
3. Lalpa kan Pathian ropui,
Leilung chhunga thil siam leh,
Thangvan sanga i thil siam zawngte nen;
Lalpa nang chauh hi siamtu,
I nihzia kan hriat vangin,
Chawimawina tinreng kan hlan che.
