Adama thlah sual thihna thim hnuaiah hian
Phuahtu: Upa Ralngama
MKHTB(2007) 382
Doh is E♭
Adama thlah sual thihna thim hnuaiah hian,
Hnam ze tinrengte ṭapin an rum;
Kei anga vanduai khuavelah an awm lo,
Ka bung dawntuai vul lai par ang a tliak.
Ngaiin ka zua run thangvan ka han thlir a,
Lungngaih, lusun, ṭahna reng a awm tawh ngai lo;
Kan mi lungduh hmangaih kal tate chuan,
Lawmna par Lal Nunnema an bel.
Ka dawn sei ngam lo, kan chak tawk khua rel hi,
Eng kan tih an gle, lung ka vai e;
Fam ngai ṭap min hnem khawvelah an awm lo,
Ka Lal nunnem, lawmna par, nang lo chu.
Buaina chhumpui lungngaihna fawn vel karah,
Ka thlir hnutiang reng an hawi lo ve;
Hmangaih Lal lenna Zion tlang ropui chu,
Panin ṭah lai puan ang an bang tawh ang.
Kei pawh ka dam lai ni a ral ve hun chuan,
Lalna ram mawi chu ka chang ve ang;
Hmangaih kal tate nena tual leng zain,
Beramno hliam hnu zaiin kan awi ang.
