A thla hnuai daihlim nuamah chuan
Phuahtu: Upa Ralngama
MKHTB(2007) 336
Doh is F
A thla hnuai daihlim nuamah chuan,
Chhandam fate an la chawl ang;
An hmaa chatuan hlimna chu an hmuh hunin,
An lawm tawh ang a.
An chawl ang, an cheng reng tawh ang,
Hmangaihna Lalpa chu fakin;
Chatuan thlengin an hlim fo vang a,
A thla hnuai daihlim nuamah chuan.
A thla hnuai daihlim nuamah chuan,
Ṭah leh lungngaih reng reng a awm lo;
Nunna tuikhurah chuan inbualin vur angin
An var tawh ang a.
A thla hnuai daihlim nuamah chuan,
Hrehawmna zawng zawng a bo vang;
Sualna thlipui leh thlemna ral lian a bang ta,
Khawpui mawiah chuan.
Aw, chu hmuna lengte chuanin,
khawvel hrehawm an ngai tawh lo'ng;
Van ṭingtang ri mawi nen van kawtthler an fang rual,
Lal Krista hovin.
