Ram daiah lunglen ka tuar ni hian Lalpa
Phuahtu: Rev. Lianruma
MKHTB(2007) 381
Doh is E♭
Ram daiah lunglen ka tuar ni hian Lalpa,
I hmel pangpar leh i aw mawi chuan,
Min hnem ang che lungngaih awmhar tuarte zawng,
Sual vanga ṭah lai ka bang nang e.
Aw, khawiah nge Tlantu, Lal ropui ber chu?
Hmangaihte nen, aw, ka va ngai em!
Ka thlir zel dawn Beramno, Lal lenna chu,
Awmhar lunglen ṭah lai min hneman.
Lungngaih lusun tuara ka ṭah lai tak hian,
Min au ve hmangaih kal tate chuan;
Nunna lunglotui leh hawilopar chawiin,
Aw nem takin 'Lo kal rawh,' min ti.
I au zel ang aw, Zion fate zawng chuan,
Chenna tur ram nuam kan thlen hma chuan;
Lawmin i zai ang, lungngaih hnutiang chhawnin,
Hmangaih chhandam faten min nghak e.
Aw, van rangkachak hmun hring nuam chu panin,
Lungduhten lawmna par chu an tlan;
Nunna tui thiang leh hmangaih par mawi vulna,
Awmhar lunglenin ka ngai zual ṭhin.
