Ram reha lungleng ka tuor ni hin Lalpa
Phuahtu: Rev. Lianruma
KHTB 223
KHAWSAWT NI HIN
Ram reha lungleng ka tuor ni hin Lalpa,
I hmel par mawi le rawl mawi chun;Mi hung hnem la,
khawsawt lungleng tuorhai hi,
Suol leia tap lai ma tang kan tih.
Aw khawlai am, tlantu Lal ropui tak chu?
Hmangaihai leh aw, ka va ngai ngei!
Thlir pei ka tih, Beramte Lal lengna chu,
Khawsawt lungleng tap lai mi hmemtu.
Lungngai, lusun tuora ka tap laitak hin,
An mi ko, hmangai fe tahai chun;
Hringna lunglo tui le hawilo par chawiin,
Rawl nem takin, 'hung rawh' an mi tih.
Ko pei ei tiu, Zion nauhai po chun,
Chengna ding ram mawi ei tlung hma chun;
Lawmna hla sakin, lungngaina maksanin,
Hmangai Sandam nauha'n an mi nghak.
Aw van rangkachak hmun hring mawi chu thlirin,
Lungditha'n lawmna par chu an tlan;
Hringna tui thieng le hmangai par mawi vulna,
Khawsawt lunglengin ka ngai zuol hlak.
