Jordan lui kama ka din chuan
Phuahtu: Upa Lalsiamliana
MKHTB(2007) 374
Doh is E♭
Jordan lui kama ka din chuan,
Ka thlir Lalpa chenna ram nuam;
Kanan ram leh ka chatuan hmun tur chu,
Chawlhna pialral ram a lo ni.
Nakinah kan chawl ang,
Isua hnenah chawlhna nuamah;
Beramno fakin hla mawi ka sak hun chuan,
Lawmna pangpar a lo vul tawh ang a.
Chumi ram nuam chu ka thlir chuan,
Chatuan eng chuan ka lung min len;
Lei hrehawm, lungngaih, buaina awm lo chu,
Hmuh ka chak e, nunna ram nuam.
Eng tikah nge ka thlen ve ang,
Chhandam fate an zalenna?
Hmangaihna Lalpa zara ka thlen chuan,
Lei hrehawmna hi ka ngai lo'ng.
Ka rilru lawmin a lo khat,
Nunna ram thianghlim ka thlir chuan;
Lungngaih, lusun, ṭahna reng a awm lo,
Hla mawi ropuiin a nghawr vel.
