Pentikos ni ang khan aw chhandamtu
Phuahtu: Upa Lalsiamliana
MKHTB(2007) 220
Doh is C
Pentikos ni ang khan aw Chhandamtu,
Lo kal leh la, hnam ze tinrengte;
Chatuan pialral kawng bovin an chau ve,
Hruai chhuak leh ang che.
Buaina ram lungngaihna tieng turin,
Rawn keng ang che, i theihna ropui;
Sualna kang fai turin, meialh ang chuan,
Thlarau, lo kal rawh.
Thihna rapthlak tuara i tlansate,
Khawvel par tlana la muangte hi;
Nangin hruai la, i chatuan ram lalna,
Kawng hre lote chu.
Thlarau Thianghlim nunnem lo kal leh rawh,
Chhandam an ngai, i fa tlanbote;
An chatuan nunna kalkawng hre lova,
Boral turte chu.
An nghilh rei lua thing krawsa i tuarna,
An thinlung sual thim rawn chhun eng la;
Kiantir ang che an lawmna lei pangpar,
I hruai theihna tur.
