Dardawi ka zuat lai thlafam rialtui a chang
Phuahtu: Upa Zothanga
MKHTB(2007) 341
Doh is F
Dardawi ka zuat lai thlafam rialtui a chang,
Lungngaih a zing zantiang khua a lo thleng;
Ka ṭap hliap ral kai e, thlafam ngaiin
Ṭapin zai tin ka chhiar, lunglai hi a zing riai e aw.
Ka ngai van chung khua chu ka ngai e,
Tah chuan lungduh an leng rual e;
Puan var sinin an Lal ropui fakin,
Zai an rem e, zai an rem e.
Rih tlang a phei duai rauthlaleng kalna chu,
An kal zel a, van sang khua chu an thleng;
Chu rama lengte chuan hnutiang ngaiin,
Suihlung an chhir ngai lo, hring nun hi an ngai tawh lo ve.
Ngai ing e, thangvan salem thar ngai ing e,
Hring nun chawi loh, duhten par ang an vul;
Van kawtthler an fang rual, Beramno chuan
An hma a hruai zel a, ka tuai chu a tel ve maw e?
