Hmanah aiguptaa lungngaite
Phuahtu: Upa Zothanga
MKHTB(2007) 228
Doh is C
Hmanah Aigupta-a lungngaite,
Chungnung kutin min hruai chhuak a;
Ngai lo nang e, ka ram hlui Aigupta,
Khawngaihna Lal thutiam lam ka pan ang.
Chhumding eng, hma hruai zel rawh,
Nang kan zui zel ang che;
I tiam ram Kanan mawi chu,
Aw, min hruai thleng ang che,
Kanan par tlana len ka nuam e.
Thlaler puanzar hnuai aṭang hianin,
Ṭapin Zion ka han thlir a;
Lung a leng e, ka kur zel ngei dawn e,
Kei aia ngai chuang chu awm tak ang maw!
Paran thlaler ram ro ka thleng ta,
Ka chau em e, nun ka zuam lo;
Ka ngaih nun thing, i zar mawi nuam tak chu,
Nang lo chu lunglai hnemtu an awm lo.
Kan thleng dawn ta, kan pan ram mawi chu,
Salem vangkhaw ri chu ngai r'u;
Kanan lenkawl eng chu a zam vel e,
Israel, lungngai lovin hlim tawh rawh.
