Khawvelah nuamin leng mah ila
Phuahtu: Upa Kapliana
MKHTB(2007) 301
Doh is C
Khawvelah nuamin leng mah ila,
Ka ṭahna leh ka buaina ram a ni;
Thihna Jordan lui kamah hian,
Lalpa, kan nghak reng che;
Ka thinlung sualah hian lo leng la,
Ka tan khua vartir leh rawh.
Aw, thlen ka nghakhlel hmangaihna ram chu,
Tunah ka la thleng thei rih lo,
Ka taksain min dal;
Mahse, dam lai ni a ral hunin,
Chatuan inah ka chawl ang.
Lalpa, i van Thlarau Thianghlim chuan,
Kan thinlung thim rawn chhun eng leh ang che;
Khawvel hrehawm thim hnuaiah hian,
Lungngaih a fawn vel e;
Suala tlute kai tho leh ang che,
I hming zaiin an fak ang.
Van hmun ropui hmangaihna ram chu,
Thlen ka nghakhlel Lalpa buatsaih ram chu;
tlanna thisen zarah chuanin,
Kan la thleng ngei ang a;
Chatuan Lal hliam hnu ropui fakin,
Tlante nen kan zai tawh ang.
