Eng tikah nge kan thlen ve ang
Phuahtu: Upa Kapliana
MKHTB(1936) 122, MKHTB(2007) 404
Doh is D
Engtikahnge kan thlen ve ang,
Chu hmun ram nuam tak chu;
Kan thlen hun chuan Amah fak nan,
Hla thar chu kan sa ang.
Haleluia tiin hla kan sa ang,
Lalpa ropui fakin.
Ropui taka lo thlen hun chuan,
Hmangaih kal zawng zawng nen;
Chhandamtu chuan min hruai khawm ang,
A ropui fak turin.
A ropuina hmun nuam tak chu,
Kan thlen khawm hun chuanin;
Amah fak nan hla kan sa ang,
Van mi thianghlim nen khian.
Hmangaih Lalpa kan hmuh hun chuan,
A lal ṭhutphah velah;
Serafim leh ṭhian duhte nen,
Bang lovin kan zai ang.
