Aw khawvel ka chenna ramah
Phuahtu: Ngurtawna
MKHTB(1936) 189, MKHTB(2007) 95
Doh is C
Aw khawvel ka chenna ramah,
Ngaiin ka rum Chhandamtu;
Chhandamtu dang ka hmu lova,
Siamtu Chung Pathian lo chu.
Kan Pa Pathian Engkim-ti-thei,
Ka tan a awm - min pui a'n;
A fa atan min sawm alawm,
Eng dang mah ka ngai tawh lawng.
Lei leh van Thuneitu a ni,
A awmtir ta, A thuin;
Ka sawi thiam lo a mak ka ti,
Lei leh van zawng ka thlirin.
Anchhe phura thi tawh hnu pawh,
Kum tluang mi nung a chantir;
Sual bawi riangvai a chawimawi tawh,
Retheite chu a lawmtir.
A hmelma zawng pawh a ngam ta,
Mi chapo an tlawm ngei ang?
Leia Pathian ngaihsak lohna,
An tawp hremhmun a ni ang.
