Aw lungngaihna ka tan a na lua
Phuahtu: Ngurtawna
Doh is E♭
Aw, lungngaihna ka tan a na lua,
Hmangaihtu Lal duhawm kian tir ang che;
Ka nghilh lo'ng Salem thar ka thlir ang e,
Aw, ka nghakhlel lawmna par mawi vulna ram nuam.
Aw, ka ngai then lohna ram nuam,
Kan mi lungduhte nen lawma zaiin;
Lawmna sawi sen loh kan hmu a,
Lawn lawmna ber kan Chhandamtu
Sual chhumpui kiang lo tur ang a ni,
Varparh remna Lal lian lo hnai leh rawh;
Lawmin kan pan zel ang lalna ram nuam,
Thimin min lo nang vel tah leh lungngaih nen.
Tapin kan nghak reng che Imanuel,
Nunna luipui khawvelah luang tlang la;
Lawmin kan pan zel ang lalna ram nuam,
Buaina chhumpui karah Lalpa kan nghak reng che.
Lenrualte u, khua a var dawn ta,
Hmangaih ram mawi takin a lo lang ta;
Thim thiltih paiah eng thuam a ngai ta,
Haleluia! Ka Lal duhawm min awmpui rawh.
