Mihriem ram thina hmun aw kalvari
Phuahtu: Ngurbiekthang
KHTB 321
AW KA HRINGNUN RAM
Mihriem ram thina hmun aw, Kalvari,
Thlarauva ka htingna hmun Kalvari;
Ka Lalpa'n a taksa, a thisen a semna,
Tlawmna hmun, hmusitna tlang Kalvari.
Chapona sip hring nun ram hi,
Ropui le insang nuom hring nun ramah,
Ka lo cham sawt taluo, i hmangaina theinghilin.
Mi suolhai ta dingin ka hring ngai nawh,
Hringna an neina di'n ka thi ngai nawh;
Mi suol ka ta di'n inpakna nun ka thlirin,
Ka tlin naw ngei aw, Pa, mi ngaidam rawh.
Hmusit, hrilsiet, hekna ka tuor laiin,
Lalpa, an hekna che ka theinghil hlak;
Chil an sak khum che, i mi hmangaina leiin,
Ka thlarau inthlanna a va na ngei.
Aw, ka hnuoi hringnun tlaksamna ram le,
Hmusit, lungsen, natna hringnun ram;
Thlipui ruopui haiin mi chim buoi hlak sien khawm,
Ka hringna Kristaa chuna chawl tah.
