A mak ngei pa i hmangaina hi
Phuahtu: Ngurbiekthang
1 A mak ngei Pa I hmangaina hi,
Tlingna hrim hrim ka nei ve si nawh;
Jacob hlêmtu ieng lo chang lang khawm,
Israel Lal nau hming thar maw min hlân.
Hei ha, hui ha, ka hril thiem nawh,
Sei le hei raw a mawi ngei ie;
Lal bu lakkhawmtu mi hrât nawhai,
Chawnbân vawr sieu sieuvin kan lêng vêl.
2 I nauhai i mi hung kan pha leh,
Ka hrâtnahai chu a bo zova;
Inzaknahai chu nei ve zingin,
A mawi a mawi naw thu ka hril thei nawh.
3 Mi pauzolohai le awm nêmhai,
Mi huiphai, zât hnih hnuoi tienghai hi;
Khawvel thila ṭangkaina neilo,
I mi lo dit ve maw Pa, invêt ngei.
4 Mithiem, mivar piengṭha thlang chuong lo,
Nu bo Pa bo, fahrahai thlier lo;
Hringnun dâna suong ding neiloha’n,
Lal mawina kan puong rawng chitin rêngin.
