En ro an khai kang hmelmahan
Phuahtu: Siamliana
KHTB 271
A THO NAWK TAH
En ro an khai kang hmelmaha'n,
Remna siemtu ding chu;
Pathien naupa ngei a lo nih,
Kalvari thing tawngse phura thi kha.
A tho nawk tah! a tho nawk tah ie;
Inpak ro, Sandamtu a tho nawk tah;
Ropuiin a hmelma a hne zo,
Kumkhuoin mi thienghlimhai leh ro an rel.
A ruong, puon nem takin an tuom,
Pathien ram beiseiha'n;
Huon thlan ruoka chun an inzal,
Hnena ropui leh a tho nawk ta ie.
Thlana inthawk a tho nawk tah,
Sandamtu Lal tak chu;
Thlan thima inthawk hung suokin,
Khawvel suol le thina a hne zo ta.
Thina ngei chu a ngam zo tah.
Hnetu ropui tak chu;
Halleluijah! ka Sandamtu,
Inpakin khawvel hi zaiin sip sien.
