Ringna thla zar inla
Phuahtu: Rev. Thangler
KHTB 87
LAWMNA PAR MAWI VULNA
Ringna thla zar inla,
Kalvari muol tieng va fang inla;
Ka Lalpa thina hmuna chun,
Ka chengna ding Salem thar hmung ka tih.
Ka hnuoi lungngai ka tap lai mang ka ta,
Lawmna par mawi vulna ka thlir chun.
Kalvari tlang chunga,
Thisen hlu zam Sandamtu nakah;
Hnam tin sawpfaina hmuna chun,
Aw, ka thlarau, chu chun cheng zing ta rawh.
Jerusalem thar khi,
An langna tlang dang a um naw le;
Thlir ei tiu Kalvari tlangah,
A chun an lang Sandamtu nakah chun.
Aw, ka thlarau, fe la,
Va fang rawh I Sandamtu thina;
Nang leia A tuorna chu,
A thisen zama chun insil la.
