1. Kumsûl liem hnung kan nun ngailai thonawk tah,
Rem Lal pieng hun champha hmatiema ei thlîr;
Sikni êngmawi le zân boruok thieng lêng dén,
Ngailai sukzuol ding rêngin maw.
CHORUS :
Aw thlîr pei inla Bethlehem tlângpui,
Ran in tlâwma Sandamtu pieng chu;
Tiena miha'n lâwm naw hai sienkhawm,
LALPA kan lungrilah inlal tak rawh.
2. Lenruol lunglai damte'n lawm kim tak di'm maw,
Ruol dit fe ta suilung ruolpuihai po kha;
Ngai inla khawm ko kîr nawk thei um si lo,
Rem Lal pieng hin lunglai hnêm rawh.
3. Sûngtin lawmlai pâr ang vul ni le hun hai,
Iengtin hmang maw kâr hla a lenruol dithai;
Lunglai damte'n hmang la hi hun lawmum hi,
Hlimin lawm la Lal hung pieng chu.
4. Eini khawmin lawmna zaihla rem ei tiu,
Tukhawm lungna le lunglêng khawm hril lovin;
Bethlehem ah nau hung pieng Immanuel,
Chibai bûkin va fêng ei tiu.