Ngai teh kan Lalpa jerusalemah
Phuahtu: K. Zalawma
Doh is G
Ngai teh, kan Lalpa Jerusalem-ah,
Lal anga a luh ni khan,
A lawmtu mipui zawngte chuan,
An silhpuan leh hnahchhawl phahin,
A kalna kawng lamtluang an chei,
Fak hla sain an au rual e.
Hosana! Hosana!
Lalpa hminga lo kal chu fakin awm rawh se,
Hosana! Hosana!
Ram lo thleng tur kan Pa Davida ram chu
Chawimawiin awm rawh se.
Chungnung berah khian - Hosana!
Hmanah Lalpan zawlnei ka hmangin,
"Hlau suh, aw Zion fanu,
Aw en teh, i Lalpa ngei chu,
Sabengtungno chunga chuangin,
A lo kal dawn," tih a sawi kha,
A lo thleng ta, i lawm ang u.
Keini pawhin amah chu lawm chungin,
Par, chhawl, mawi tin kan chawi vel;
A hming faka lamtluang zawhin,
Kan neih chhun awrawl zawng chhuahin,
"Lalpa hminga Lal lo kal chu,
I chawimawi ang," tiin kan zai.
Rinin ka han thlir chung thangvan sang khi,
Hmangaih kal ta hnam tinten,
Puan var sina tumkau kengin,
Hnehtu Lal fakin an au ve;
Aw, kan nghakhlel tlan sa zawngten,
Hmangaih Lalpa kan fak hun tur.
