MizoLyrics.Com Mizo Lyrics - Pial ka ngai ka lal lenna

Pialral ka ngai ka lal lenna
Phuahtu: Rev. V.T. Kappu
Doh is F

Pialral ka ngai ka Lal lenna,

Lungngaih awm lohna ram mawi chu;

Engtikah thleng i maw, ka lungngaih mittui hi,

Engtikah hul ang maw ti a ka ngaihtuahin;

Ka ngaih Lalpa mi rawn hruai rawh.

Nunna thing daihlim hnuaiah chuan,

Min chawlh tir ve rawh, aw Lalpa;

Thlemna turni hi ka do zo lo,

Nunna thing daihlim hnuaiah chuan;

Min chawlh tir ve rawh, aw Lalpa.

Khawvel hrehawm tuar zote chu,

An chungah puan in i zar maw;

Min lo zar ve rawh aw, chawlhna daihlim a awm lo,

Khawel thlaler ramah chawlhna daihlim a vang,

Thleman turnipui a hrang e.

He khawvel thlaler ramah hian,

Chawlhna awm maw tiin ka zawng;

Chawlhna ram a ni lo, ram hlun tur chu a ni lo,

Khawvel hrehawm a ni tih ka lo hriat veleh,

Nunna thing daihlim hnuai ka ngai.

Nunna thing daihlim zar hnuaiah,

Mi thianghlimte an chawl zo ta;

Kei hi eng ka ti nge, chawl thei lova ka awm hi?

Ka taksain min dal, tih danglam ni thleng se,

Kei pawh ka chawl ve tawh ang e.

:

Rev. V.T. Kappu Hlate

Mizo Lyrics Available at