1. Khawvêl a ngaituo leiin hnuoiah rinum a tuor a,
Khawvêl hming an ziek lai khan Bethlehem bâwng in sûngah;
Sandamtu'n A mi zawng a, a umdân sukdanglamin;
Bethlehem bâwng in sûngah ranthlêngah an inzâltir.
2. Herodin a zawng vêla ei LALPA sukhlum dingin,
Nisienkhawm Vântirkovin Josefa kuomah a hril,
"A nu le naute țhuoi la, Aigupta ram tieng tlân ro",
Tiin LALPA'N a hril a, a mi lungsietna leiin.
3. "LALPA, khawla'm a um a?" tiin hang zawng vêng ei tiu,
Aigupta ram tieng panin ka thlarauvin zawng ve la;
Nangma a ngaituo lei che'n rinum tinrêng tuor dingin,
Sandamtu a hung suok a, khawvêl suol phurtu dingin.
4. Ei LALPA'N a mi zawng a, Gethsemani huon sûngah,
Aw lungpui saw hei en tu, a chunga ei LALPA saw;
Lungngaiin a țawngțai a, a thlan thisen ang a far;
Nat tinrênghaiin an bâwm ei Lal lungsietum pa saw.
5. Herod in a hrietthiem naw ei LALPA mi zawng dân hi,
Jerusalem kul sûngah hnungkhirin an țhuoi vêl a;
A lua hlinglukhum le a chunga Kraws rik tak chu,
Innghatin Kalvari tlâng lungngaiin an inpantir.
6. Kalvari I tlung ta maw khawvêl suol tinrêng phurin,
Kan suol leia I tuorna theinghil theinaw ning LALPA;
Ka dang a châr I ti kha theinghil theinaw ning LALPA,
Iengtin am hung thâwng ka ta I dangchâr sukbo dingin.