Ram hlun ka sawi nin theih loh chu
Phuahtu: Lalliansawma
Doh is E
Ramhlun ka sawi nin theih loh chu,
Lalpan a siam ram nuam tak chu;
Chhun leh zan a awm tawh lo vang,
Zion khawpui nuam takah chuan.
Van Jerusalem khawpuiah,
Riltam tuihal a awm tawh lo vang;
Ni leh thla eng reng a ngai tawh lo,
Beramno ni ang a eng reng e.
Lalpa i ram thianghlimah chuan,
Thihna a awm leh tawh lo vang;
Luai thli nûla inthen lehna,
A awm lo vang i ramah chuan.
He lei hrehawmna ramah hian,
Thihna ram pana ka pênin;
Lungngaia ka awm lai hianin,
Lalpa min thlamuan zel ang che.
