PATHIEN LALRAM
Lalpa, i ram ropui takin hung tlung sien,
Hnuoi mi khawmin lawmin 'Amen' rem raw hai seh;
Ropuina le chawimawina hai hi i ta vawng an ni si a,
Lal(pa) kan Pathien, Ro(pui)na hai le
Chawimawina kan inkhumtir che.
Suol thuneina hungsawn a hun tah,
Krista hnungzuituhai chun;
A ram le a felna chu zawng a,
Krista nungchanga inthuom hi,
Lalram nun mawi ngei chu a ni.
Ram ni tla ngai lo tieng panin,
Ringna lawngin ei intawl pei,
Hmathuoitu chun rorelna chang raw seh.
Thienghlimna le felna-a ram la hai chun,
Thlarau thuoin hnena thu an puong suok pei ie;
Hnuoi mihai hriet phak lovin an hringna thla zarin an vuong a,
Ram (tiem) hmun tieng chu (hmun) mawi tak el (chu);
Panin hnena chu an chang pei.
Inremna le felnaa inthuom naw chun,
Mi tu khawmin Pathien ram hluo thei naw ni hai;
Hmelma khawm hmangai let vena ram nun ngei chu a ni si a,
Thil (tha) lalram sin (thaw)-a fe pei(in),
Lalram chu indin pei ei tiu.
***
Lalpa chu ei himna le ei hratna thangpui vartu hnai zing a nih.
Ram ni tla ngai lo tieng a mi thuoi a,
Chatuon lalram nun ngei chu a mi pek.
Lalpa ropui raw se. Halleluiah Amen, Amen, Halle.. luiah.