LAMLIAN THIANGHLIM
Thlaler ram reh chu lawma khatin,
Ramro te chu hlimin,
Lalpa ropui eng vel an hmuh hunin,
Lawm taka tlantu fakin an zai dawn si.
Lamlian thianghlim, thianghlimna kawngah chuan,
Hlauhna thla a zar ngai tawh lo'ng,
Tlan ten hnehna hla sa a zai vawrin,
Zion tlang khawpui mawi kan thleng dawn si.
Kut chaklo te chu tichak ula,
Khup zawite te nghetin,
Huaisen tak leh chak takin awm ula,
Hnehna chu Lalpa'n kan tan a tiam tawh si.
He leiah hian zawng sual ral lianin,
Lalpa lak min dal thin,
Thisen hnehna ropui neitu kan ni,
Nghet taka dingin hnehna i puang zel ang.
He hla hi C.Lalzarmawia hlaphuah zinga ka hriat hmasak ber leh nalh ka tih em em mai a ni. A sa nungin a sa nalh tak zet a ni.