Damlai ni hi hringmi tiem dana ka dawn changin
Phuahtu: Emmanuel Lalruotfel
Satu(te): Jennifer Nianglawmkim Sanate
LAWM LEM KA TIH
1. Damlai ni hi hringmi tiem dâna ka dâwn chângin,
Hrietthiem a'n tak a harsa ngei;
Ka lampui chu lâwmna ding ruok ka lo sâwn lai,
Thlalêr ram țâwl le suorsietna khawm hrâw a lo țûl si maw!
CHORUS :
Iengpo khawm tuok ding ni lang lâwm lem ka tih,
Ka sietna ding rêng ka Lalpa'n rêl naw nih;
A mi hmangaina inthûkzie ka hril sêng naw,
Thu le hlaa puongin inpâk pei lem ka tih.
2. Rinumna le harsatna ha'n mi tuom vêl sienkhawm,
Chuoi ngainaw nih ka Lal remruot;
A kona râwl ka hriet iengkhawmin dang naw nih,
Chuoi ve lo A hmangaina thlazâr chun mi hlie khûng a tih.
3. Famkim lona rama hin chun lâwm a kim thei nawh,
Sienkhawm harsatna zâra hin;
A'n lang mawi zuol hlak ie Lal Isu hmêl mawi chu,
Ama chau enin ka Sandamna Pathien chu nghâk ka tih.
