I rawngbâwl dinga Lalpa kal ka pên suok laiin
Phuahtu: David L. Zote
Satu(te): Florence Sungte
MI SIEMTHAR RAWH LALPA
1. I rawngbâwl dinga Lalpa kal ka pên suok laiin,
Suolna thlipui hrângin a mi nuoi vêl nawk hlak si a;
I râlthuom famkim chun mi hung inthuom thar nawk la,
Suol râl hne a kalchâwiin I rawng ka bâwl ve theina dingin.
CHORUS :
Siemthar ka ngai a nih Lalpa,
Kei mi châu tak le hrâtnaw tak hi;
I Lalrama sinthaw ding tam tak ka nei,
Kan har thei si nawh;
Taksa le Thlaraua siemthar ka ngai a nih.
2. I rawngbâwla kal pêna êng suok ka tum po leh,
Harsatna le natna'n mi manin ka châu nawk hlak si;
Siemtharin hrâtnain mi hung inthuom thar nawk la,
I ram zâua hrât taka I rawng ka bâwl ve theina dingin.
3. I Lalram sinthaw ding hmabâk tam tak ka la nei,
Ka hringna hi Lalpa lungngaiin a châu zo an tah;
Hrâtnawhai sukhrâttu nang ngaiin ka dang a châr,
Lalpa hi ka țawngțaina sukhrâtin mi siemthar rawh.
I rawngbâwl dinga Sandam ka ni si a,
I rawngbâwl ding ûksak lova tîsa inhawina ding ka ngaituo chun;
I kuom ka hung pha leh Lalpa,
Iengtin am I hmêl hmu ngam ka ta?
