MI SUKHRATTU KRISTA
1. Khawvêl ei chêngna ram hi ka hang thlîr vêl a,
Thawpikna, beidawngna tuipuiin an mi'n huol;
Sienkhawm mitkhapkâr chau khawm mi thlâthlam lo tu khan,
Ka bânah mi chelin tui mi pal kâipui a tih.
CHORUS :
Mi sukhrâttu Krista zâr chun iengkim ka thaw thei,
Lungngai, mangang, harsatna tuiin mi chîm sienkhawm;
Ka thilthawtheina hi hrâtnawna a an sawn naw,
Sukfamkima umna chu tîn LALPA'N a mi hril.
2. Mihriem ditthlangna in kal ka pên suok hin chu aw,
Harsatna hung lienin ka châu nawk hlak si a;
Tuhin chu aw LALPA ka vawikhat kal pên khawm hi,
I dit dân ni dingin LALPA ka hung inhlân.
3. Pathien thlamuongna lungril hrim hrim hriet phâk lo khan,
Ka lungrik ngaituona hai chu Krista Isu'n;
Amaa chun humhimin mi vênghimpêk a ta,
Tlâksam, phîngțâm hmuna chun umdân thiem ka tih.
4. Ka hrâtna hi ka enin lungngaina in ka sip,
Khawsakna ka enin suong ding hrim ka nei nawh;
Iengkim chânin kut ruok elin nei nei naw lang khawm,
Isu ka nei a hun a bul țan țhatna di'n.