A hung pieng van lal nau bethlehemah
Phuahtu: Rev. Vawmsunthang
Satu(te): Roselyn Lalumpui
ṬHB 307.
ROPUI RAW SE HALLELUIAH
1. A hung pieng Vân Lal Nau Bethlehem ah,
Hnam tin damna dingin bâwng in tlâwm a nghâk;
Suol bawia mi'n tlan di'n mi dang hrim an um nawh,
Lal Krista aw Lili pâr nang naw chu.
Aw Chung Vân Angel vârhai,
In râwl mawi hung insuo ro;
In râwl mawi, in rimawiin hla mawi sak ro,
Chunghnung tak ropuina A ta vawng ni sienla;
Ropui raw se, Halleluiah Amen!!
2. I ropui aw LALPA hnuoi le Vân ah,
I ropuizie hi hla'n inpâk sêng naw ning;
I thilsiem tinrênghai I tirko an lo nih,
I ropuizie mi hriltu an lo nih.
3. Innghil naw ning LALPA Bethlehem tlâng,
Bethlehem khuo chenin hung zawng pei ka che;
Bethlehem khuol bûkah inlawina rûn invai,
A tlâwm taluo i zâlna ranthlêng hi.
