Ditthlangna tlang chunga ka thlir vela hi hnuoi ram hi
Phuahtu: Rev. Vawmsunthang
Satu(te): Rosiemkim Riengsete
KA LAWMNA PAR
1. Ditthlangna tlâng chunga ka thlîr vêla hi hnuoi ram hi,
Duaisâm a kim chuong naw lawmna ding zawng la khawm;
Jordan phai, Sodom phai i ditthlangna in thlang la khawm,
I ditthlangna ram ngeia chun;
Mei le kât khuongruopui ang sûr ngei a tih.
CHORUS:
Aw vânah nang naw hnuoiah nang naw tu dang am ka nei a?
Lalpa nang ngei maw i lo ni aw ka lunglai hluozotu,
Makhât chaua um châng ni khawm hlim le lâwma mi'n umtirtu;
Lung sukawitu ka lungchimna,
Ka lawmna pârin nang hung vul zing rawh.
2. A makin a ropui ngei Mosie thilnthlang aw a mak ngei,
Ropuina ding zawng lovin hmusitna thlang lemin;
Krista hmusitna chu sum ropuia ngai lemin,
Hmu theinaw hai chu hmu in;
A thlang lem Aigupta ram rothil hai nêkin.
3. Duaisâm an dang ta maw Kalvari tlâng saw thlîr inla,
Mipui sen vung hai laia mipui khêk râwl ri chun;
Tukhawm lal kan nei naw lal Kaisara chau naw chu,
Lal Krista puon ang hnâwlin;
An thlang lem an lal dingin lal Kaisara chu.
4. A makin a ropui ngei Lalpa thil thlang aw a mak ngei,
Angel hai chawimawina le vân ropui mâksanin;
Bohmang hai zawng ding le sukdam le sandam dingin,
Khuolbûk chang lovin ranthlêng;
A thlang lem a mak ka tih Lal hmangaina hi.
