Hringnun kan damchhung tawiteah hian,
Eng nge kan zawn ber le?
Lei rohlu nge inthennate,
Engtikah tawng i maw?
Kan duhaisam zawng nei mah ila
Suihlung a awi lo maw?
A hun ta e ka hringnun chhungril,
Awmzia zawn chhuah hi.

Engkim mai hi mitkhap karah,
A danglam vek mai thin;
Pangpar mawi leh siahthing hnah iang,
An vul a chuai mai thin;
Hun liam tur leh hun lo her tur,
Lungkham buai mai lovin;
I nun tawite hi,
I siamtu duan angin i chen ang aw.

Kan thatlai ni hian,
Kan hun hlu tak te,
Amten chenin hlimten i leng ang,
Hlim lai ni te, hlut theih lai ni te,
Awm thin mah se, hetah ka dingin,
Thlipui ruahpui te lo hrangin,
I hringnun sawinghing mahse,
Zam ngai suh.


Bridge:
Hringmi zawng zawngin kan zawh vek tur,
Lamtluangah chuan engtikah nge?
Chhimbal mawi leh Chhum reilote,
Iang kan ral hun tur kan hre lo.