Kar hlaa leng rual duhte u
Phuahtu: Benjo R.K. Lalfakmawia
Doh is C
INTAWH LEH NI
Kar hla a leng rual duhte u,
Chung khuanun dam ten min hual anga;
Dam ten intawh leh ni her thuai se,
Intawh leh ni ka nghakhlel e mai.
Khuanu malsawmna in tan ka dil a,
Kan thiam kan theihna tipung zel turin;
Hma lam hun thlir chunga theihtawp chhuah zelin,
Intawh leh ni ka nghakhlel e mai.
Dawn chang hianin luaithli ka nul,
Hlim ni a tawi a pamhmai lua e;
Suihlungruala kan hlim ni zawng kha,
Tawn leh ka nuam hman lai an chang ta si.
Malsawmna kan chan tlan theih nan,
Chung khuanu hmaah kun fo ila;
Him dam ten kan in tawk ngei ang,
Intawh leh ni ka nghakhlel e mai.
