Ka chun le ka zuo, mi hmangaitu hai
Phuahtu: Lalremsiem
Satu(te): Jeneth L.Varte
KA CHUN LE KA ZUO
1. Ka Chûn le ka Zuo, mi hmangaitu hai,
An hmangaina inthûkzie hi ka lo dâwn ngai naw;
Saisên ka ni laia inthawk ta khan,
Hmangaina tâwpkhâwkin an mi lo hmangai tah.
2. Khawvêl ena chun iengmalo in nih,
Thiemna, varna le insângna nei naw inla khawm;
Ka ta ding chun in va hang ropui ngei!
Hring khawvêlah an um naw hieng ang hmangaitu.
CHORUS :
Aw ka Nu ka Pa, in lo va hlu ngei de!
Ka ta dinga in țawngțaina rîhai,
Ka nâa hin a la châm zing hlak;
Ka thlamuongna in nih,
Aw ka Nu ka Pa, in lo va hlu ngei!
3. Thiem ka hung inzir ve theina dingin,
A sûr a sa hnuoia ka ta dinga in lo tuorna;
Mêlza kârdana in țawngțaina rîhai,
In hmangaina râwl ri nghil ni um thei naw nih.
#Reading_Stanza :
Aw ka Nu ka Pa, ka hmangai cheu,
Ditsakna vochuom ka'n hlân cheu;
Siemtu Chung Pathienin vêngin țhuoi pei raw se cheu.
4. Isu ke bulah mi țhuoi lût tu le,
Lalpa le sûngkuo khatah mi siemtu in lo nih;
Hun le ni hai inher liem pei sienkhawm,
Ka Nu ka Pa nghil ni um thei di'n ka ring nawh.
