MizoLyrics.Com Mizo Lyrics - Turnipui kan do dai

Kan lenna tlang dum dur, lenrual kim nen kan lenna
Phuahtu: Rokunga
Doh is E

TURNIPUI KAN DO DAI

Kan lenna tlang dum dur, lenrual kim nen kan lenna,

Kan thlawh sawmfang hring nghial karah;

Kawltu kan chawi nilen,

Mahse kan zam bil lo,

Turnipui hrang hnuaia’n,

Lawm lungrual hlim thawm nui ri nen,

Turnipui kan do dai.

Thangvan dumpawl riai e, Sawmfang hring no nghial e,

Ram buk thlam sawngka dawh sangan;

Ka thlir ning thei dawn lo,

Ka vau zo tui thiang te’n, Hahchhawl dawi ang min dawm;

Mimsirikut leh thuva te’n,

Hlim zaiin min lo awi.

Kan sawmfang hmun cham del, Thinlai riang min hnemtu,

Thli te’n rawn chhem an fawn dim e,

Lawm lungrual dung an thul,

Turni vung na e, Zaleng zam lo na e;

Hah chhawl dawi ang min dawm turin,

Lengin tui rawn chawi e.

Kan thlawhfang mual lianpui, Zaleng lam ang her nan;

Sirtiang kan sawn kan fawn dim e,

Hlimlai par ang kan tlan,

Tinkim dawn zel ila, Tukram chul hun tur te;

Lenrual kim te’n kan tuanna tlang,

Nghilh ni awm tak ang maw!

:

Rokunga Hlate

Mizo Lyrics Available at