Hmanah eden huan thianghlim hmun mawi leh nuam takah khan
Phuahtu: Rokunga
Doh is E

Hmanah Eden huan thianghlim, hmun mawi leh nuam takah khan,
Thlahtu bul Evi leh Adama chu;
Chung Pathian ruat ang zelin,
Nupa tuak khat lo changin pumkhatah an insiam.


Hlim takin i lawmpui ang u,
Kan unaute nupa hi;
Pathianin malsawmin hualhim zel rawh se,
An khawvel dam lai ni a ral hma loh chuan.



Chung Pathian bahsam suihin pumkhatah an lo insiam,
Lal hmaah then loh biahthu an intiam;
Chutin Pa duhzawng angin,
Lungngaih leh lawm lai pawhin an thutiam hi nghet se.

Lalpa, kan kawltir a che, kan unaute nupa hi,
Dam lai ro hlu malsawmna pe ang che;
An tan ni angin eng la,
An dam lai ni liam hunin i hnenah hruai ang che.



   Facebook      Twitter    :    Views(1473)