MizoLyrics.Com Mizo Lyrics - Kan sawmfang dum dur

Vawiin chuan tam tuan kan rel e, vangkhaw zauvah
Phuahtu: Rokunga
Doh is F

KAN SAWMFANG DUM DUR

Vawiin chuan tam tuan kan rel e, vangkhaw zauvah,

Lawm lungraul kan ngir e, chhuahtlang mual mawiin;

Kal lai relin lamtluang kan zawh vangkhaw daiah,

Tin, kal zelin chawlhna hmun tlang kan thleng thin.

Hmatiang hlen tur lawm lungruala sir kan sawnna,

Leh kan bukthlam sawngka dawhrem tlaitlan nen.

Kal lai relin luipui kam chu kan zuk thleng a,

Siktui thiang dawn zaa sakruang kan bualna;

Tah chuan nilen cham ka nuam e chhuihthang valan,

Mahse kan sawmfangte chuan min lo au ve;

Kawltu sawfang bukthlam runhmun chu kan thlen hma loh chuan,

Siahthing zar lo awiin huiva hram thiam zai leh,

Lentu kar lel zaiten min lo au mah se.

Tin, kal zelin bukthlam hmun chu kan han thleng a,

Chhuntiang, zantiang dawna thinlai lunglenna;

Lawm r’u, kan sawmfang hring del a lo eng tan ta,

A mawi zual e, rairah thinlai min hnemtu,

Mahse hma te’n tukram chul hnu a lo chang leh mai tur,

Tinkim dawn fan chang lung tileng zual tur reng hian,

Mimsirikut, thuva te’n zaiin lo awi.

(In lo awi, Misirikut, thuva te’n zaiin lo awi.)

:

Rokunga Hlate

Lenglawng Hla

Mizo Lyrics Available at