MizoLyrics.Com Mizo Lyrics - Chite luipui

Zawl khaw sira luang del del chite luipui
Phuahtu: Rokunga

CHITE LUIPUI

Zawl khaw sira luang del del Chite luipui,

A lo luanna Zawl khaw lam phei saw hmara’n;

Dam te’n luang del del zel e chhim tual panin,

Rialtui hmingthang lengngha vangkhua fin turin.

Fiara tuithiang te luang del del,

Lengi nena luia lengngha jan chhaina;

I sirah thing leh maurua an zing riai e,

Luang dem dem rawh, piallei a ral hma loh chuan.

Kum ssul vei tukram tuan kan rel chang ni a,

Turnipui sa hrang vung hnuaia kan dawn thin;

Kan thlawh sawmfang kan zawhtluang kaina nuamah,

Luang reng rawh lungrualpui nena ruang bualna.

Thal rum laiin va tinrengin an dawn thin,

Lungrualpui nena suara lengngha kan danna;

Eng siarin thal favang ni eng pawl riainin,

Nung tinrengte lawm a’n a rawn chhun eng a.

A lui dung cham del chhawrthlapui eng hnuaiah,

Kangkang, Chhimbuk, thangfen zaite’n lo awi e;

Lungtileng zualin kilva hram thiam zai nen,

Sen siarin chhawrthalpui engin a rawn chhun.

:

Rokunga Hlate

Mizo Lyrics Available at