Ka nuam ve e
Phuahtu: Butta (Vulmawi)
Satu(te): Lalpanliani
Tlang tin mual tin thing tin zar belin,
Va tinreng kawp lai di nen;
Lenlai ni chen lungrual ten an leng siau e.
Zobawm dingdi, tlangsam par sirsiar,
Lentu chhawl hnawng ram daiah;
Rem sa leng rual ten hlimin sam an chai e.
An leng e, hlimlai chen in,
An ngai lo tleidang par he lei chinah;
Ka nuam e an ianga,
Hmatiang dawn ngai lo hmun nuam;
Aw...aw...awm ve ngai maw hringnun.
Vau, tuahpui leh chawnpui par zawng te,
Vul lai rel an kur siau e;
Romei zam chiai zing riai nen thal an mawi e.
An par e, vullai chen in,
An ngai lo tleidang par he lei chinah;
Ka nuam e an ianga,
Hmatiang dawn ngai lo hmun nuam;
Aw...aw...awm ve ngai maw hringnun.
