Fur khawthiang leh romei karah
Phuahtu: Msa Zote
Satu(te): Lalhmangaihzuali
THINLUNG TIHLIMTU
Fur khawthiang leh romei karah,
Nang ngaih a zual leh thin;
Chhawrthlapui leh siar te pawh,
A eng ri riai thangvan sangah;
Lung ti leng romei kara'n maw,
Mahriak ten lunglen zai ka sa;
Ka hawi vel a tlangtin mualtin te,
Nang chhing zo reng an awm lo'ng e
Oh! ka suihlung i dum zo ngei e,
Oh! ka chhingmit i tlung zo ngei e;
Nang chhingzo reng an awm lo'ng e,
Vanhnuai hringmi zawng zingah hian;
Oh! ka thinlung ka thinlung tihlim tu i ni.
Ka thinlung lairil luahtu chu,
Nang chauh i ni asin;
I zunzam hian min phuar vel e,
Eng dang ka dawn thei lo;
Awm khawhar zual chang hian e,
Bawihte nang ngaih a zual leh thin;
I zun phur zolo a riang te hi,
I thinlaiah min vei ve rawh.
