KAN TANA RUAT A NI SI
Nizan ka tawnmang ramah chuan e,
Duhthusam mang ramah tawngin;
Kumkhuaa inthlah tawh lo tura intiamin,
Tawnmang ramah cham ka nuam e;
Ka ngai che ka thlahlel che, ka ning lo che.
Mahse kan tana ruat chu khuanu hian,
Rem a lo ruat fel tawh si;
Vui thei kan ni lo,
Kan tana ruat a ni si.
Kan duhthusam zawngte kha aw,
Tham ral a tan ka phal lo;
Inthlah lawng aw tia kan chham dun te kha,
Piallei thuahriat an bel ta maw;
Kei zawng ka tuar thiam lo, A na! aw a na!.
Thuchah hnuhnung min hnutchhiahte kha,
Ka lairil hi min fan a sin;
Hun hi her danglam thei ila,
Nang nena bul tan tha turin;
Mahse a rem lo nang nena len dun hi.