A ryh vei ma
Phuahtu: A. Thazi
Satu(te): T. Merisa
1.Lôhdu nô kei nawhhnai tu hnaita,
Lôhpi phaopa ta mohtlei na châsai;
Khiahlô azâ hia rimâ bao chala,
Châchhie mokuh ramâ khaih thei va na.
Chorus:
Pawmaih dinô chyu lei vâsâh chala,
Chhôhso lôh lia toti rohpady na;
Ei paw lâh hmâ lei lôh y rimâ cha,
Aryh khao ma lôh khoh bie hlâ awpa.
2.Sihnôh vaw kua thai khao tlôh va Rianai,
Hnôhlâ daihti thângia laihna chôta;
Ei chyu thei lei ei ngiabâh chai D’nô,
Hmô pachhina na hmia hnazô ngiana.
3.Lôh hro phao ta na tleisai ha hra la,
Lôhdu keila chaw my thei aw va na;
Ei chôthlahpi vaw khaih heih mawsala,
Siali kheihta lôhlie ei tao rai aw.
4.Pawmaihzy hry lia lôhdu khohchainô,
Syna opi tawh châ zâ ngia tyh na;
Ei châ ngiana lôhlie zapai thei vei,
Nâ dei molâh na tlysai ha tlôh chi.
