A her leh ngei ang
Phuahtu: Lalruatfela Pachuau
Satu(te): Lalruatfela Pachuau
Sakhmel hriat ngaih loh vangkhaw dangah,
Chhingkhualah kan intawng a;
Ka lo dawn ngai lo karah hmangaihna,
Tiang ema a sei tur hi,
Vangkhaw hmun siloh i zunpar leng chuan,
A riang tangah min lo phuar si,
I zunzam leng ka phur zo lo,
Tuan tul reng ka dawn thei lo.
Suihlung zawng a leng thin ngei e,
Tawnloh kar reiloteah pawh;
Nang ngaih lai reng ka bang theilo.
Tunah kan lenna tlang dang mahse,
Rinawmna vawng dun zelin;
Hreawm kan tuarna hian,
Kan inhmangaihna, aw, tizual zel rawh se,
Khuanu leng zarah tawn leh ni zawng,
A la her chhuak leh ngei ang,
Tawnloh kar lunglen biahthu di zawng,
Kan la hril dun leh dawn nia.
Engchen nge ni ka hmangaihna che,
A rinawm zia lo ngaithla la;
Hmangaihna chu hmangaihna in,
Aw, i chhang let tawh ang,
A nuam leh hreawm tuar dun zelin,
Lungrual ten i leng zel ang,
Fanau maltluan chawi dun turin,
Khuanu'n min hual zel rawh se.
Aw, min han dawn ve thin la,
Mual za kar dan atang hian maw,
Tawn leh ni a her leh ngei ang.
Hla thu leh phuahtu-ah te hian dik lo a awm a nih chuan siamthat theih a ni a. Siam tha tur erawh chuan Mizolyrics.com-ah hian in register phawt a ngai thung.
Youtube Link leh MP3 bakah he hlasa ve tu dang zaithiam hming dah luh belh theih a ni bawk.
Hla thu, phuahtu emaw thil dang dik lo a awm a nih chuan a hnuaiah hian ziakin min rawn hrilh dawn nia
Hla Thu hi a dik lo a awm a nih chuan siamtha la
Editor leh Admin chauhin Hla thu hi an tidanglam thei.
