Van ropuina kalsanin boralte min zawng turin
Phuahtu: Rev. H. Lengluta
KHB 527. Doh is G.

Van ropuina kalsanin, boralte min zawng turin,
Lei leh vana Lalberchu, a thil siama lo changin;
Chanchin Tha a rawn thlen ta, khawvel dam lehna turin,
Thihna rapthlak chu tuarin, kan tan a tho leh ta e.


Hmangaih Lalpa, khawngaihna rawngbawl hna hi,
Keini ringtute kovah i nghat ta si;
Sual bawiha tangte an chhuah theihna tur hi,
Isua Krista thil tum ber a lo ni e.


Van angel-hote pawhin an hrethiam lo a thuk si,
Boralte min zawng tura van Lalber a lo fam hi;
A thukzia leh a zauzia, khawvelah puan darh an chak,
Mahse, hmangaih Lalpa chuan, "Tlan saten puang se," a ti.

Lalpa kohna aw ka hria, "Tute nge ka tan kal ang,
Thisen hlua tlan sate ka hnena rawn hruai turin?"
'Keiheta hi ka awm e, min tir ve ta che Lalpa,
I tan chauh min hmang ve rawh,' tiin kan chhang thei dawn em?

Chanchin Tha rawngbawl hna hi, van Lalber thupek a ni,
Chawl hman rual kan ni lo ve, chawlhna nuam kan thlen hma chuan,
Tlan sate i harh ang u, thlarau bo chhandam turin,
Kan thawhrimna zawng zawng hi, kan seng leh vek dawn a ni.



   Facebook      Twitter    :    Views(3515)