MizoLyrics.Com Mizo Lyrics - Van chung sang taka lal isu

Van chung sang taka lal Isu
Phuahtu: Suakliana
KHB 522. Doh is Ab.

Van chung sang taka Lal Isu,

Lungngai, rethei lawmna Lalpa,

Khawvel lei hrehawm chhiar chhuakin,

Kan tan Lalpa i lo vakvai.

A va mak em! A va mak em!

Min hmangaihna a va na em!

Kan tan i tuarna Kalvari,

Ka sawi thei lo, aw Lal Isu.

Khawvelah lawmna a awm lo,

Lungngai takin ka lo vakvai;

Mahse, hmangaihna hmel duhawm,

Kan tan Krista i lo kal ta.

Kebaite kein an kal ta,

Pharte tihthianghlimin an awm;

Piangsualten piantharna an hmu,

Mitthite kaihthawhin an awm.

Hrehawm buaina luipui lian hi,

Ka dai ngam lo, ka chhandamtu;

Mahse, hmangaihna hmel lawmawm,

Kan tan Krista i lo kal ta.

Ka hrilh tawp thei lo che Lalpa,

Ka ngai bang thei lo che Lalpa;

Ka thinlung thim rawn ti eng la,

Hmangaihna lui min hmuhtir rawh.

I hmangaihna par ka tlan ang,

Ka thla chau tinung zel ang che;

Khawvel buaina pal chhungin,

Thlarauvin min hruai zel ang che.

:

Suakliana Hlate

Fakna Hla (Songs of Gospel)

Mizo Lyrics Available at