Aw Lalpa, Chungnung ber, kan fak hle a che!
Pathian Nung leh Engkimtithei i ni e;
Hnehchhiahte, bawih, riangvaite, mi sualte thian,
Fahrahte, retheite Lal, Pa leh Pathian.

Tawngtaina chhangtu Pathian i nih vangin,
I miten an mamawh an dil i pe fo;
I fate tap leh rum i lo ngaithla thin,
Thu dik tan, thil tha ti i ensan ngai lo.

Tin, heng hi mi lian leh mi te hriattir la,
Mipuite leh Nangmah ngei dotu berten;
'Tuna chhandama kan la awm ve theih nan,
Eng nge kan tih tak ang?' ti rawh se, Amen.

Hnam tin thim chhuahsan leh bawih chhuak lo lawm se,
'Chungnung berah Pathian ropui ber rawh se;
Lei chunga a lawte chungah rem leng se,
Hosana, Hosana,' tiin zai rawh se.

Tin, mi tin hnenah i hming lo zahawm se,
I ram ropui takin lo thleng zel rawh se;
Vana mi'n an tih angin leia miten,
I duhzawng ti rawh se, ram tinah Amen.