Eliza a au vawng vawng
Phuahtu: Rev. Dr. HS Killuaia
Doh is G

MIN TAWNGTAI TIR RAWH

Eliza a au vawng vawng,
Mosian a ban a phar a;
Ram chhunga thil tenawm te vangin,
Lungngaia tapin an mittui a hul thei lo,
Keini paw'n tawngtaiin kan au che.


Lalpa min tawngtai tir rawh,
Kan ram mamawhnain min au ve;
Thinlung tawngtaina ri mawi tak chuan,
Lei leh van zawmtir se,
Lalpa kan ram ti dam leh rawh.


Tap chungin tawngtai zel la,
Aw, inren suh Zoram tan;
Kawtthlera lungduh chaute thlir la,
Mahni inphatin tawngtai tlangah thingthi la,
Lal thutiam damna i dil ang u.

Tawngtaiin Lalpa au la,
Kan ram a lo dam theih nan;
Kan ram mamawh ber chu tawngtaina,
Kan rawngbawlna leh kan thawhrimna zawngte hi,
Chhem alha ti nungin i kun ang.

Aw harhna kan chante hi,
Lalpa a va rei lo em!
I rawngbawltuten thawk thin mahse,
Tawngtai thiltihtheihna thuruk kan theihnghilh e,
Kan chan hi Lalpa a na lua e.



   Facebook      Twitter    :    Views(8834)