Thlarau saltlang leh sual ritphur chunga
Phuahtu: Rev. Dr. C.D. Lawma
Doh is G
AW KRAWS
Thlarau saltlang leh sual ritphur chunga,
Lungngai, mangan, ruma ka vah laiin;
Kalvari thing anchhedawng krawsah chuan,
Ka Lalpan hnehna min pe ta.
Aw kraws, aw kraws, aw kraws,
Kei misual thiamchanna;
Aw kraws, aw kraws, aw kraws,
Kei mi chawisang tu.
Kei misual bawlhhlawh thil tih theih nei lo,
That ka lo tum fo theihna hmachhuanin,
Lungngaia rum a beidawng lo niin,
Ka Lalpan hnehna min pe ta.
Kei misual bo hnu mahni inkhengbet,
Keimahah Lal Krista a lo nung ta;
Khawvelin min tibuai thei tawh lo ang,
Ka Lalpan hnehna min pe ta.
Damchhung buai, mangan, lungngaih thleng mahse,
Ka hlau lo'ng Lal Krista ka phaw a ni;
Nitin amah fakin ka zai tawh ang,
Ka Lalpan min hneh sak vangin.
