Hringnun khualzinna kawng kan zawh laiin
Phuahtu: K. Lalremsiama
Doh is A♭
LALPA CHU KAN KAWNG HRUAITU A NI
Hringnun khualzinna kawng kan zawh laiin,
Lungngaihna chhumpui a zing thin a;
Kham leh suar thihna kawr kan zawh laiin,
Lalpa chuan kan hma a hruai min chelh reng thin.
Kan beiseina meichher eng lo chuaiin,
Lungngaihna tahna ruam kan zawh changin;
Min awmpuitu leh min thlamuan thintu,
Lalpa chu kan kawng hruaitu a ni.
Kan van in kawng zawh a kan kal laiin,
Mualphona hlawhchhamna thleng mah se;
Tlakchham buaina laka min chhanchhuaktu,
Tlai ngai lo Lalpa a ni min pui zel thin.
Sual doral liante chu lo hrang thin in,
Harsatna leh buaina min thlen thin;
Mahse kan hlau lovang kan hnehna chu,
Kraws thiltitheihna a ni kan chhuang zel dawn.
