Pathian hmangaihna ka hriatin
Phuahtu: Mary Lalfakawmi
Satu(te): Faktu
Pathian hmangaihna ka hriatin,
Lawm avangin biangah mittui a luang fo thin
A hmelah damna ka thlirin
Ka thla chau a hahdam thin
A famkim a ka hriat hunah chuan
Ka lawmna hian tawp chin a nei lovang
Aw chu hun lo thleng tur ka daawn chang hian
Lei hun thlawh khumin a kiang a len ka nuam
Van thuam kan sin ve theih nan
Ranthlengah tlawmna puan a rawn sin
Lallukhum kan khum ve theih nan Hlinghlukhum a rawn khum a
Chatuan nun kan neih theih nan
Lei leh van Lal meuh chuan a nun min hlan
Tiang em a hmangaihna sawifiah sen rual a ni lo ve
Keini hringfa sual a bo hnu, natna tinreng leh a taksa thisenah sualin a hliam fo thinte
Min tlan chhuah theihna turin maw a taksa thisen thianghlim
Sual nei lo bawlhhlwh kai lo chuan
Kraws lerah thiin min chhandam ta si
Thildang reng kan tan hian a ngai tawh lo
Rilru, taksa thlarau dam nan a tawk a ni.
Bridge:
A hmaah chhuan tur kan nei lo,
Pathian hmangaihna chuan ramri a nei silo,
Thlen phak lohna reng a nei lo
Lei danin thiam lo mah la,
Hmangaihna chuan a tuam dam duh che
Nun kan neih nan mi fel famkim chu
Khawvel hian thiam loh a chantir a sin,
Aw min hmangaihna a va ropui em!!
