Fur khaw thiang leh van dumpawl hnuaian
Phuahtu: K. Hminga
Satu(te): K. Hminga
VANDUMPAWL LEH KHUANGHNIH HLA
Fur khaw thiang leh van dumpawl hnuaia'n,
Mi zai thawm ka hria, khuanghnih hla an lo sa;
An zai thawmah chuan, tap thawm a tel si;
Eng vang nge ni? Fam ngaih vang maw lo ni an lo tah?
Aw, a run ngei, hnem theih ka nuam, Sawt lo mahse,
A liam ta a fam ta tiin,
Ngaiin an tap maw!
Thihna kut vawt,
Pumpelh rual loh khan,
A man ta si.
Lui luang ri leh, thli tleh ri chuan,
Aw an zai thawm, a chawih mawi ngei,
An mittui a pung, Aw thli ngeilnei la;
An tap thawm hi ram tin kil tinah,
I theih tawpin, thehdarh la, puang darh la,
Mi zawng zawngin an lungngaihna an tawm ve nan.
Thihna rapthlak, mittui ko chhuaktu,
Nunrawnna a khat nge, thulai latu I nih zawk le?
Mahse, thihna chu kawtthler pakhat ve mai,
Chatuan hmun thlen nana,
Mi tinten kan paltlang tur angah ngai la,
I lungngaihna a nem mahna, inhnem ka nuam e.
Hla phuahtu thu khawchang:
He hla hi 2014 may thla vela ka phuah tawh kha a ni a.. Pathian zarah kum 11 hnuah kan ti chhuak ve thei ta a, a va lawmawm em.. Fam ngai zawng zawngte tan thinlung takin ka hlan e
Fam ngai zawng zawngte tan he hla hi kan hlan e.
Tin , kan cover art-a lo lang hi tu nge a nih kan hre mai tawh lo a, he video kal tlang hian i. chungah lawm thu kan sawi e ..
