Harsatnate leh buainate hian
Phuahtu: Jonathan Lianhna
Satu(te): Jonathan Lianhna
KA CHIANG NAWN LEH THIN
Harsatnate leh buainate hian,
Min kiansan lo mahse;
Ka rinchhan ka chiang Lalpa ani,
A nghing ve ngai love;
Meipui karah pawh a mite vengtu khan,
Ka tawngtaina a ngaithla,
A fa hi min pui leh thin.
Hetiang thil hi tawk lo ila,
Muangin awm reng ila,
Ka rinchhan Lalpa rinawmzia,
ka chiang ngai lo'ng;
Min hmangaihzia hi aw,
Ka chiang thar nawn leh thin,
Min ngaihtuahzia hi aw,
Ka chiang nawn leh thin.
Vanduaina anga kan ngaih fo thin,natna te ngei pawh hian,
Kan rin ropuizia min hmuhtir a;
Thinlung a dam leh thin,
Thihna meuh pawh hian kan Lalpa rinawmzia;
Min hriat nawntir leh fo thin,
Ka lungngaih min hnem leh thin.
Hmangaihte chanin,
Thinlung nain,mittui tla mah se la,
Ka lungngai lo ve,Isua ka nei;
Ani'n min ngaihtuah thin,
Joba meuh pawh kha,a tuarna hmunah pawh;
Lalpa a ring tlat ang khan ,
Lalpa la ringhelh lo che .
Jonathan Lianhna YouTube Post
He hla chungchangah hian sawi tur ka van nghah tak êm..!
16th September, 2024 -a ka nu (ZD Lalzuithangi) boralna khan chhungkua min nghawnga, khawharna leh lunglennate, lungchhiatna leh rilru natna te chauh a keng tel dawn emaw kan tih laiin Lalpa rinawm zia leh min lo ngaihtuah ziaa min hmuh tir nasa em em thung si a, Lalpa hi a rinawm a ni tih kan chiang nawn mawlh mawlh mai a ni.
‘Thihna meuh pawh hian kan Lalpa rinawm zia min hriat nawn tir leh fo ?hin, kan lungngaih min hnem leh ?hin.’
Lalpa’n he hla ngaithlatu zawng zawngte malsawm vek che u rawh se.
